మూడు మంత్రాలు అందిన క్రమం - గురు పరంపర
అష్టాక్షరీ మహా మంత్రం:  బదరికాశ్రమం అనే ప్రాంతం హిమాలయాలలో ఉంది, అక్కడ భగవంతుడు స్వయంగా ఈ లోకంలోకి దిగి వచ్చి తానే ఒక ఆచార్యుడిగా మరియూ తానే ఒక శిష్యుడిగా రూపాలని ధరించి ఒక మంత్రాన్ని ఇచ్చాడు. అది మన స్వరూపం ఏమిటి తెలియజేస్తుంది. దానికి అష్టాక్షరి అని పేరు. ఇది ఎనిమిది అక్షరాల నారాయణ మంత్రం. అష్టాక్షరి మంత్రాన్ని బదరికాశ్రమంలో నర నారాయణ రూపంలో ఉపదేశం చేసాడు. స్వరూపం అంటే మనకు తెలియాల్సినవి మూడు, మనకు కనిపించేది ఏది, మనం ఏవరు, మన వెనకాతల ఉండి నడిపేది ఎవరు అనేవి. ఈ మూడు తత్వాల స్వరూప వివేచన కల్గించగలిగేది నారాయణ మంత్రం లేక అష్టాక్షరీ. ద్వయ మంత్రం:  చరమ శ్లోకం:  ఈ మూడు మంత్రాలను రహస్య త్రయం అని అంటారు. పరమాత్మనే ఈ మూడింటిని మూడు చోట్ల ఉపదేశం చేసాడు కనక ఆయననే మొదటి గురువు అని అంటాం. పరంపరకి మొదటి వాడు పరమాత్మనే. అందుకే మన సంప్రదాయంలో గురుపరంపరను అనుసంధానం చేసేప్పుడు ఈ శ్లోకాన్ని చెబుతారు. లక్ష్మీ నాథ సమారంభాం నాథ యామున మధ్యమాం అస్మదాచార్య పర్యంతాం వందే గురుపరంపరాం అందుకే మన ఆచార్య పరంపరని "లక్ష్మీనాథ సమారంభాం" అని అనుసంధానం చేస్తాం. నాథమునులు వారికున్న యోగిక శక్తిచేత ఆళ్వార్ తిరునగరి అనే క్షేత్రం వద్ద నమ్మాళ్వార్ని ప్రత్యక్షం చేసుకొని మంత్ర మంత్రార్థ రహస్య జ్ఞానాన్ని పొందినట్లు చరిత్ర చెబుతోంది. నాథమునులకు ముందు పరంపర మనకు తెలియడంలేదు. అయితే అంతకు ముందు ఆళ్వార్లు కలియుగం ఆరంభం అయిన వెయ్యి లేక పదిహేను వందల సంవత్సరాల కాలానికి చెందినవారు. కలియుగం ఆరంభం అయిన 43 రోజులకు నమ్మాళ్వార్ అవతరించారు. కలియుగం ఆరంభం అయిన మొదటి శతాబ్దంలో గోదా దేవి, పెరియాళ్వార్ అవతరించారు. అట్లా సుమారు నలుగురు ఆళ్వార్లు కలియుగ ఆరంభానికి ముందు, మరొక ఎనిమిది మంది కలియుగం ఆరంభం అయ్యాక అని గురుపరంపరాది గ్రంథాలు తెలియజేస్తున్నాయి. నాథమునులు, యామునాచార్యుల ద్వారా అందిన ఈ మంత్రాలని రామానుజాచార్యులు రుచి ఉన్నవారికి అందేట్టు వ్యవస్తను ఏర్పాటు చేసారు. రామానుజాచార్యుల వారికి ముందు కూడా ఆచార్యులు ఉన్నారు, కానీ వారు మంత్రాలని మరొకరికి తెలియజేయడం ఎంతో పరిక్షించిగానీ చేసేవారు కాదు. ఈ విషయం మనం రామానుజాచార్యుల చరిత్ర తెలుసుకుంటే అర్థం అవుతుంది. వారు సుమారు 40 సంవత్సరాలు దాటి, సన్యాసాశ్రమాన్ని స్వీకరించిన జ్ఞాని అయి ఉన్నప్పటికీ చరమ శ్లోకలో ఉన్న గంభీరమైన తాత్పర్యాన్ని తెలుసుకోవడానికి 300 మైల్ల దూరంలో ఉన్న ఆచార్యుడి వద్దకి నడిచి 18 సార్లు వెళ్తే కానీ లభించలేదు. రామానుజాచార్యుల వారిలాంటికే అంత కష్టంగా లభిస్తే సామాన్యులకు మంత్ర ఉపదేశం జరిగే ప్రశ్నే ఉండేది కాదు. ఆడవారికి, బ్రాహ్మణేతరులకి ఉపదేశం అనేదే లేదు ఆకాలంలో. రామానుజాచార్యులవారు ఇంత విలువైన మంత్రాలను లభించకపోతే మనకు జరిగే నష్టం ఏంతో కదా, విలువైనవి మన వద్ద ఉండి కూడా నష్టం ఎందుకు పొందాలి అని జాలి కల్గి, రుచి ఉన్న వారికి, మేము కూడా బాగుపడతాం, నాకూ తెల్సుకోవాలని ఉంది అనే వారందరికీ అందించాలి అని ఆచార్య పరంపర ఏర్పాటు చేసారు. అంతకు ముందు ఈ మూడు మంత్రాలు ఒకే సారి ఉపదేశం చేసేవారే కాదు. మంత్రం, మంత్ర అర్థం కూడా ఒకేసారి లభించేది కాదు. మరిలా అందరికీ చెబితే దాని విలువ పోదా అంటే, మనిషికి ఒకసారి అంటూ సంస్కారం ఏర్పడితే, లోన నిలిచి పోతుంది, క్రమేపి మనపై ప్రభావం చూపుతుంది. మానవ దేహం అనేది సులభంగా లభించలేదు. ఎన్నో జన్మల క్లేషాల తర్వాత వచ్చింది. ఈ మానవ శరీరం అనేది మెరుపు తీగ పాటి అంత కూడా లేదు అని చెబుతారు అళ్వార్లు. అందుకే సంస్కారం అంటూ ఎర్పడితే మానవ జన్మ కంటే క్రిందకి దిగజార కుండా ఉంటుంది. క్రమేపి బాగుపడే అవకాశం ఉంది. అట్లా అష్టాక్షరీ, ద్వయ మంత్రం మరియూ చరమ శ్లోకాన్ని ఒకేసారి ఉపదేశంగా అందేట్టు చేసారు రామానుజాచార్యులవారు. ఈ మూడింటికి ఆది గురువు శ్రీమన్నారాయణుడే. ఈ మూడు మంత్రాల అర్థాన్ని పిళ్ళై లోకాచార్యులవారు సామాన్యులకు కూడా సులభంగా అర్థం అయ్యేలా సూత్రబద్దం చేసారు. వారి తర్వాత వారి శిష్యులైన మణవాళ మహామునులు అనే మహనీయులు వ్యాక్యాణాలు చేసారు. |
